ಬುದ್ದಿಯ ಮದ್ದು
ನನ್ನ ತವರು ಮರೆತೆ
ಮರೆತು ಹೋಗುವಷ್ಟು ಇಲ್ಲಿ ಬೆರೆತೆ
ನನ್ನ ಕಣ ಕಣದಲ್ಲೂ ಭಾರತಮಾತೆ!
ಹಸಿಕಾಳು ಒಣಕೂಳು ವಾಸಿಯಾದರೂ ಸರಿಯೇ
ನಾನು ಇರದಿರೆ ಅದು ಹಾಲು
ಇಷ್ಟಾದರೂ ನನ್ನ ಗುರುತು ಸಿಗದೆ?
ಹೆಸರ ಹೇಳಲು ನಾನೇ ಬರಲೆ?
ಥೂ.. ನಿಮ್ಮ ತಟ್ಟೆಗೆ ಬೀಳಲಿ ಜಿರಲೆ
ಇಲ್ಲಿ ಈ ದೇಶದಲ್ಲಿ ಎಲ್ಲರ ಬಾಯಿಗೂ
ಸಲೀಸಾಗಿ ನುಗ್ಗುವೆ
ಹೊರ ಬರಬೇಕಾದರೂ ನನ್ನ ನೆನಪು
ಉಳಿಸಿ ಬರುವೆ
ನನ್ನ ತಿಂದವರ ಬಾಯಿ `ಹ'
ಒಣಗದೆ ಕೆಣಕುವ `ಹಸಿ'
ಅವರು ಕೆಂಪಾದರೂ ನಾನು `ಹಸಿರು'
ಇನ್ನಾದರೂ ಉಂಟಾ ಹೊಳೆಯದ ಬುರುಡೆಕಾಯಿ
ಬುದ್ದಿಯ ಚುರುಕಿಗೆ ಮದ್ದು ಮೆಣಸಿನಕಾಯಿ
No comments:
Post a Comment