ಕ ಕಾಗುಣಿತಾಕ್ಷರ

ಕಟಾಕ್ಷ ದೊರೆತುದೇ
ಕಾಣಿಕೆಯೆಂದು ಬಗೆದು
ಕಿನ್ನರಳಂತೆ ನಿನ್ನ ಭಾವಿಸಲು
ಕೀರ್ತಿಕೌಮುದಿ ತೋರಿದ ನಲ್ಲೆಗೆ
ಕುಸುಮಾಂಜಲಿಯಿಂದ ಅರ್ಚಿಸಿ
ಕೂರ್ಮೆಯ ಆರಾಧನೆಯಿಂದ
ಕೃತಾರ್ಥನಾಗಿರಲು ನವಿರ
ಕೆಳೆತನ ಕಳೆಗಟ್ಟಿ ಮೇಲೇರಿ
ಕೇತನದಂತೆ ಹಾರಾಡಲು
ಕೈ ಗಲ್ಲದ ಮೇಲಿರಿಸಿ ಬೆರಗಾದೆನು
ಕೊತ್ತಲ ಕಟ್ಟುವ ಆಸೆಯಿಲ್ಲ
ಕೋಟಿ ಕೋಟಲೆ ಎದುರಾದರು
ಕೌಮೋದಕಿ ಹಿಡಿದೋಡಿಸಿ
ಕಂಕಣಬದ್ಧನಾಗಿರುವೆ ನಿನ್ನ ಸಂಗಾತಿಯಾಗಿರಲು ಏಳೂ ಜನ್ಮಕೂ